Fyrirtækin

Hagar eru fjölskylda af fyrirtækjum sem starfrækt eru í 8 rekstrarfélögum. Öll fyrirtæki Haga hafa það markmið að veita framúrskarandi þjónustu, selja gæða vörur á sanngjörnu verði og hafa um leið eins jákvæð áhrif á umhverfi og samfélag og mögulegt er.

Bónus

Bónus er keðja lágvöruverðsverslana sem frá stofnun hefur boðið viðskiptavinum sínum lægsta mögulega matvöruverð á Íslandi. Megin stefna Bónus er að halda rekstararkostnaði í algjöru lágmarki með litlum íburði í verslunum og skila ábata rekstrarins til neytenda í lægri álagningu. Vöruúrval Bónus spannar allar meginþarfir heimilishaldsins.

Hagkaup

Hagkaup er leiðandi smásölufyrirtæki sem að leggur áherslu á framúrskarandi þjónustu og fjölbreytt vöruúrval. Í Hagkaup finna viðskiptavinir mat-, snyrtivöru, leikföng og fatnað bæði fyrir sérstök tilefni og til daglegra þarfa.

Olís

Olís sérhæfir sig í sölu og þjónustu með eldsneyti og aðrar olíuvörur, auk skyndibita, ýmissa nauðsynjavara fyrir bílaeigendur, vörum til útivistar og ferðalaga ásamt fjölþættri þjónustu við sjávarútvegs-, verktaka- og flutningafyrirtæki um land allt. Grunnrekstur Olís hefur ávallt verið eldsneytissala, en með nýtingu á dreifineti fyrirtækisins og sérfræðiþekkingu hefur sala aukist á öðrum vörum, líkt og smurolíum, efnavörum, rekstrarvörum, gasi og nýlenduvörum.

Eldum rétt

Eldum rétt býður viðskiptavinum matarpakka sem innihalda hráefni í nákvæmum skömmtum og einfaldar leiðbeiningar um hvernig elda skuli matinn. Markmið Eldum rétt er að gera eldamennskuna skemmtilegri og samverustundir fjölskyldunnar fleiri og betri.

Aðföng

Aðföng er innkaupa- og dreifingarmiðstöð á smásölu- og stórnotendamarkaði en starfsemi fyrirtækisins felst í innkaupum, birgðahaldi og dreifingu fyrir verslanir Bónus, Hagkaups og Olís. Einnig sjá Aðföng um lagerhald, afgreiðslu, vörumerkingu og tollafgreiðslu fyrir Hagkaup og Zöru.

Bananar

Bananar er stærsti innflytjandi og dreifingaraðili í ávöxtum og grænmeti á Íslandi. Bananar leggja áherslu á góð gæði og fjölbreytt vöruúrval. Til að sinna þessum þörfum sem best, beina Bananar viðskiptum sínum beint til þeirra landa þar sem uppskera á ávöxtum og grænmeti er best hverju sinni og flytja það heim í verslanir Íslendinga um allt land.

Stórkaup

Stórkaup er heildverslun sem þjónar stórnotendum með aðföng á breiðum grunni þar sem leiðarljósin eru hagkvæmni, nútímalegt þjónustustig og einfalt skipulag sölu og dreifingar. Helstu viðskiptavinir eru t.d framleiðendur, sjávarútvegur, rekstraraðilar, veitingageirinn og heilbrigðisstofnanir. Markmið Stórkaups er að bjóða gæða vörur á samkeppnishæfu verði, veita góða þjónustu og áreiðanleika í vöruframboði og afhendingum. Helstu vöruflokkar eru ýmsar rekstrarvörur, hreinlætisvörur og heilbrigðis rekstrarvörur Hjá Stórkaup starfar samhentur hópur með mikla reynslu og sérfræðiþekkingu á sínu sviði.

Zara

Zara er ein stærsta tískuverslunarkeðja í heimi og selur fatnað og fylgihluti fyrir dömur, herra og börn á góðu verði.