Fréttir
Fréttir
Hagar selja Reykjavíkur Apótek
Hagar selja Reykjavíkur Apótek og rekstur tveggja verslana. Ólafur Adólfsson sem áður var eigandi Reykjavíkur Apóteks hefur keypt 90% hlut, sem að seldur var til Haga árið 2019, og tekið yfir rekstur apóteksins við Seljaveg 2. Lyfja hefur keypt rekstur apóteksins í Skeifunni 11b og eru kaupin með fyrirvara um afstöðu Samkeppniseftirlitsins.
Hagar selja Útilíf
Íslensk fjárfesting og J.S. Gunnarsson hafa í sameiningu keypt Útilíf af Högum. Eftir kaupin er Íslensk fjárfesting 60% hluthafi en J.S. Gunnarsson heldur á 40% hlut í félaginu.
Hagar styrkja verkefnið Römpum upp Reykjavík
Nú hefur verkefninu Römpum upp Reykjavík verið hrundið af stað og er markmiðið að koma fyrir 100 römpum í Reykjavík fyrir fólk á hjólastólum, eins fljótt og auðið er.
Þorvaldur Þorláksson ráðinn forstöðumaður fasteigna- og þróunar hjá Högum.
Þorvaldur Þorláksson hefur verið ráðinn forstöðumaður fasteigna- og þróunar hjá Högum og hefur hafið störf. Helstu verkefni Þorvaldar verða þríþætt, þ.e. ábyrgð á rekstri fasteigna og lóða í eigu Haga, umsjón með leigumálum samstæðu og fasteignaþróun á breiðum grunni.
Magnús Magnússon ráðinn framkvæmdastjóri stefnumótunar og rekstrar hjá Högum
Magnús Magnússon hefur verið ráðinn framkvæmdastjóri stefnumótunar og rekstrar hjá Högum og mun hefja störf þann 1. febrúar. Guðrún Eva Gunnarsdóttir mun samhliða því taka við sem framkvæmdastjóri fjármálasviðs Haga. Guðrún þekkir vel til starfsins en hún gegndi þeirri stöðu fram til 2019, en hefur síðan þá starfað sem framkvæmdastjóri rekstrar og samstæðu Haga.
Vörusala Haga á 3F jókst um 5,5% milli ára
Árshlutareikningur Haga hf. fyrir þriðja ársfjórðung 2020/21 var samþykktur af stjórn og forstjóra félagsins á stjórnarfundi þann 14. janúar 2021. Reikningurinn er fyrir tímabilið 1. mars 2020 til 30. nóvember 2020. Árshlutareikningurinn hefur að geyma samstæðureikning félagsins og dótturfélaga þess og er hann gerður í samræmi við alþjóðlega reikningsskilastaðla (IFRS). Reikningurinn hefur hvorki verið kannaður né endurskoðaður af endurskoðendum félagsins, PricewaterhouseCoopers ehf.
Sesselía Birgisdóttir ráðin forstöðumaður nýsköpunar og markaðsmála hjá Högum.
Sesselía Birgisdóttir hefur verið ráðin forstöðumaður nýsköpunar og markaðsmála hjá Högum. Um er að ræða nýja stöðu innan fyrirtækisins þar sem áherslan verður á að tryggja að þjónustuveiting Haga og dótturfélaga sé ávallt í takt við nútíma þarfir viðskiptavina. Sesselía mun einnig bera ábyrgð á vörumerkja- og samskiptamálum Haga á breiðum grunni.
Hagar hf. ráða framkvæmdastjóra Stafrænnar Þróunar og Upplýsingatækni
Eiður Eiðsson hefur verið ráðinn framkvæmdarstjóri stafrænnar þróunar og upplýsingatækni Haga hf. Hann kemur til Haga frá VÍS þar sem hann var forstöðumaður stafrænna verkefna og hefur leitt þar stærstu stafrænu umbreytingarverkefni sem félagið hefur ráðist í auk þess að hafa umsjón með vef og veflausnum VÍS.
Zara hefur opnað vefverslun á Íslandi
Fataverslunarkeðjan Zara hefur opnað vefverslun sína á Íslandi. Með opnuninni er Zara að marka viss þáttaskil í alþjóðlegri sókn sinni þegar kemur að netverslun á þeim svæðum þar sem Inditex, móðurfélag Zara, er á markaði. Á vefsíðunni zara.com/is geta viðskiptavinir á Íslandi nálgast allan fatnað og varning fyrir dömur, herra og börn sem fáanlegur er á því markaðssvæði sem Zara á Íslandi starfar á.
Hagnaður Haga á 2F jókst um 25% milli ára
Árshlutareikningur Haga hf. fyrir annan ársfjórðung 2019/20 var samþykktur af stjórn og forstjóra félagsins á stjórnarfundi þann 29. október 2019. Reikningurinn er fyrir tímabilið 1. mars 2019 til 31. ágúst 2019. Árshlutareikningurinn hefur að geyma samstæðureikning félagsins og dótturfélaga þess og er hann gerður í samræmi við alþjóðlega reikningsskilastaðla (IFRS). Reikningurinn hefur verið kannaður af endurskoðendum félagsins, PricewaterhouseCoopers ehf.