Um Haga

Hagar er leiðandi verslunarfyrirtæki á íslenskum markaði sem rekur 45 verslanir innan 5 smásölufyrirtækja og 4 vöruhús. Þá rekur félagið 28 Olísstöðvar um land allt auk 41 ÓB-stöð. Fyrirtæki Haga eru öll rekin sem sjálfstæð fyrirtæki og hafa þess vegna ólík rekstrarform og ólíka menningu. Meginstarfsemi Haga er á sviði matvöru en innan þess eru tvær af stærstu verslunarkeðjum landsins, Bónus og Hagkaup, svo og stoðstarfsemi á sviði innkaupa og dreifingar. Þá er Olíuverzlun Íslands ehf. hluti af samstæðu Haga. Auk þess starfrækja Hagar sérvörusvið innan Hagkaups, sérvöruverslanir með þekktum lífstíls- og tískuvörumerkjum og eitt apótek. 

Hlutverk Haga

Hlutverk Haga er að veita þessum fyrirtækjum aðhald og finna sameiginlega fleti sem geta leitt til hagræðingar í kostnaði og aukið tekjumöguleika fyrirtækjanna og þar af leiðandi samkeppnisstyrk þeirra. Hlutverk Haga er enn fremur að skapa virði fyrir hluthafa, með arðsömum rekstri.

Innan allra fyrirtækja Haga eru sömu megingildi höfð að leiðarljósi. Í þeim er falið grundvallarviðhorf fyrirtækisins til þjónustu við viðskiptavini, framgöngu starfsmanna og ábyrgðar þeirra í starfi.

Fyrirtæki Haga eru Bónus, Hagkaup, Olís, Aðföng, Bananar, Ferskar kjötvörur, Útilíf, Zara og Reykjavíkur Apótek.

Regluvörður Haga er Guðrún Eva Gunnarsdóttir. Staðgengill regluvarðar er Aðalheiður Fritzdóttir. Tölvupóstfang regluvarða er regluvordur@hagar.is

 






Þetta vefsvæði byggir á Eplica