Fréttir
Fréttir
Hagar undirrita viljayfirlýsingu um uppbyggingu og rekstur öflugs fasteignaþróunarfélags með Klasa ehf. og Reginn hf.
Hagar hf., Reginn hf., Klasi ehf. og KLS eignarhaldsfélag ehf. hafa í dag, 24. september 2021, undirritað viljayfirlýsingu um uppbyggingu og rekstur öflugs fasteignaþróunarfélags. Viljayfirlýsingin er gerð í tengslum við fyrirhuguð kaup Haga og Regins á nýju hlutafé í fasteignaþróunarfélaginu Klasa. Samkvæmt viljayfirlýsingunni er áætlað að eignarhlutur hvers eiganda um sig, þ.e. Haga, Regins og KLS eignarhaldsfélags, núverandi eiganda Klasa, verði um 1/3 af útgefnu hlutafé.
Bónus opnar á nýja verslun á Norðurtorgi á Akureyri
Ný matvöruverslun Bónus verður opnuð í verslunarkjarnanum að Norðurtorgi á Akureyri vorið 2022, en samningar hafa verið undirritaðir þar um. Verslunin verður ríflega 2000 m2 að stærð og verður staðsett við hlið verslana Rúmfatalagersins og ILVA sem þegar eru á Norðurtorgi. Bónus rekur í dag 2 verslanir á Akureyri við Langholt og Kjarnagötu.
Frosti Ólafsson ráðinn framkvæmdastjóri Olís
Frosti Ólafsson hefur verið ráðinn framkvæmdastjóri Olíuverzlunar Íslands ehf. og mun hefja störf þann 3. september næstkomandi. Frosti býr að víðtækri reynslu sem stjórnandi og ráðgjafi, hérlendis og erlendis, og hefur á síðustu árum m.a starfað sem forstjóri ORF líftækni og framkvæmdastjóri Viðskiptaráðs Íslands.
Jóhanna Þ. Jónsdóttir ráðin framkvæmdastjóri Banana ehf.
Jóhanna Þ. Jónsdóttir hefur verið ráðin framkvæmdastjóri Banana ehf., dótturfélags Haga hf., en líkt og fram kom í tilkynningu þann 2. júlí sl. hefur Kjartan Már Friðsteinsson beðist lausnar úr starfi eftir langan og farsælan feril. Jóhanna hefur víðtæka reynslu af stjórnun og stefnumótun, einkum á sviði aðfangastýringar, rekstri vöruhúsa og innkaupa.
Nýsköpunarsjóður Haga styrkir átta nýsköpunarverkefni í matvælaiðnaði
Hagar veita átta frumkvöðlafyrirtækjum styrk að verðmæti 11 milljóna króna til að vinna að nýsköpunarverkefnum í matvælaiðnaði. Hagar stofnuðu í apríl nýsköpunarsjóðinn Uppsprettuna sem ætlaður er til stuðnings við frumkvöðla til þróunar og nýsköpunar í íslenskri matvælaframleiðslu. Sjóðurinn leggur sérstaka áherslu á að verkefnin sem að hljóta styrkveitingu taki tillit til sjálfbærni og styðji innlenda framleiðslu.
Tekjuaukning á 1F og bætt afkoma milli ára
Árshlutareikningur Haga hf. fyrir fyrsta ársfjórðung 2021/22 var samþykktur af stjórn og forstjóra félagsins á stjórnarfundi þann 25. júní 2021. Reikningurinn er fyrir tímabilið 1. mars til 31. maí 2021. Árshlutareikningurinn hefur að geyma samstæðureikning félagsins og dótturfélaga þess og er hann gerður í samræmi við alþjóðlega reikningsskilastaðla (IFRS). Reikningurinn hefur hvorki verið kannaður né endurskoðaður af endurskoðendum félagsins, PricewaterhouseCoopers ehf.
Ársskýrsla Haga 2020/21 er komin út
Ársskýrsla Haga fyrir rekstrarárið 2020/21 er komin út.
Hagar kaupa helmings hlut í Lemon
Hagar hf. og eigendur Djús ehf. hafa náð samkomulagi um kaup Haga hf. á helmings hlut í Djús ehf., sem á og rekur veitingastaði undir merkjum Lemon.
Veltuaukning og bætt afkoma á 4F
Ársreikningur Haga hf. fyrir rekstrarárið 2020/21 var samþykktur af stjórn og forstjóra félagsins á stjórnarfundi þann 10. maí 2021. Reikningurinn er fyrir tímabilið 1. mars 2020 til 28. febrúar 2021. Ársreikningurinn hefur að geyma samstæðureikning félagsins og dótturfélaga þess og er hann gerður í samræmi við alþjóðlega reikningsskilastaðla (IFRS). Endurskoðendur félagsins, PricewaterhouseCoopers ehf., hafa endurskoðað reikninginn og áritað hann fyrirvaralausri áritun.
Nýsköpunardagur Haga haldinn í fyrsta sinn
Hagar hafa stofnað styrktarsjóðinn Uppsprettu sem að verður kynntur á Nýsköpunardegi Haga sem ber yfirskriftina Virkjum kraftinn, frá hugmynd á diskinn þinn. Markmið og tilgangur Nýsköpunardagsins er að hvetja til nýsköpunar og aukinnar sjálfbærni í matvælaiðnaði. Átta frumkvöðlar og sérfræðingar í matvælaiðnaði munu halda erindi á viðburðinum sem streymt verður miðvikudaginn 28. apríl kl.12:00.