Bónus

Fyrsta verslun Bónus var opnuð við Skútuvog 13 í apríl árið 1989 og síðan þá hefur fyrirtækið lagt metnað sinn í að bjóða alltaf lægsta verðið hverju sinni.

Bónus er keðja lágvöruverðsverslana sem frá stofnun hefur boðið viðskiptavinum sínum lægsta mögulega matvöruverð á Íslandi. Bónus hefur skemmri opnunartíma en margir keppinautar og stefnumarkandi vöruval fyrir lágvöruverðsverslun. Hönnun Bónusverslana miðar öll að því að halda rekstrarkostnaði í lágmarki. Áhersla er lögð á lítinn íburð í verslunum, stöðugt kostnaðaraðhald, mikinn veltuhraða birgða en birgðahald takmarkast af hilluplássi. Vöruframboðið spannar allar meginþarfir heimilishaldsins en auk þess býður Bónus takmarkað úrval af sérvöru, eins og grunnvöru í fatnaði og árstíðabundnar vörur. Verslunin fylgist einnig grannt með breyttum neysluvenjum landsmanna og kappkostar við að vöruúrval í hillum verslana endurspegli slíkt. 

Það er Bónus mikilvægt að halda því trausti sem almenningur hefur sýnt verslunarkeðjunni í gegnum árin og eitt af leiðarljósum Bónus hefur ávallt verið að láta viðskiptavininn njóta hluta ábatans af því þegar nást hagstæðir innkaupasamningar með lágri álagningu. Það er einnig mikilvæg staðreynd að Bónus býður sama verð í öllum sínum verslunum um land allt sem reynst hefur afar dýrmætt gagnvart neytendum. Það sannast ítrekað í verðkönnunum að Bónus býður lægsta vöruverð á Íslandi, þrátt fyrir harðnandi samkeppni.

Bónus hefur ávallt lagt mikla áherslu á umhverfismál og flokkað plast, pappa og annan úrgang í fjölda ára. Verslunin var til að mynda fyrst allra íslenskra matvöruverslana til að kolefnisjafna rekstur sinn á árinu 2018. Verslunin hefur verið leiðandi í umhverfismálum á Íslandi og hætti til að mynda sölu á hefðbundnum plastpokum í október 2018 og hóf að bjóða viðskiptavinum sínum upp á 100% lífniðurbrjótanlega poka í stað þeirra. Sömuleiðis reynir verslunin að sporna við hvers kyns matarsóun eftir fremsta megni með góðum árangri. Lýðheilsumál hafa einnig verið ofarlega í huga Bónus og styður verslunin til að mynda við fjölda íþróttafélaga á Íslandi og hefur jafnframt aldrei selt tóbak frá stofnun matvörukeðjunnar.

Bónus rekur 31 verslun um land allt, en þar af eru 19 á höfuðborgarsvæðinu og 12 á stórum þéttbýlisstöðum á landsbyggðinni.

Bónus
Skútuvogi 13 - 104 Reykjavík
Sími: 527-9000

Framkvæmdastjóri:
Guðmundur Marteinsson







Þetta vefsvæði byggir á Eplica