Fréttir


15. maí 2014

Aðalfundur Hagar hf. 5. júní 2014

Aðalfundur Haga hf., kt. 670203-2120, verður haldinn fimmtudaginn 5. júní 2014 og hefst hann kl. 09:00 á Hilton Reykjavík Nordica, Suðurlandsbraut 2 í Reykjavík.

Dagskrá fundarins:

1)      Skýrsla stjórnar félagsins um starfsemina á liðnu starfsári.

2)      Ársreikningur félagsins fyrir liðið starfsár, ásamt skýrslu endurskoðanda, lagður fram til samþykktar.

3)      Ákvörðun um ráðstöfun hagnaðar félagsins á reikningsárinu 2013/14.

4)      Tillaga að breytingu á samþykktum félagsins.

  • Grein 2.1 um hlutafé félagsins verði breytt þar sem hlutafé verði lækkað úr kr. 1.217.585.840 að nafnverði í kr. 1.171.502.190 að nafnverði og eigin hlutafé, að nafnvirði kr. 46.083.650, þannig eytt.

5)      Ákvörðun um þóknun til stjórnarmanna.

6)      Tillögur stjórnar um starfskjarastefnu.

7)      Kosning stjórnar félagsins og endurskoðanda.

8)      Umræður og atkvæðagreiðslur um önnur málefni sem löglega eru upp borin.

Ársreikning og önnur gögn, ásamt upplýsingum um póstatkvæðagreiðslu, rétt hluthafa til að bera fram tillögur og framboð til stjórnar er að finna á vefsíðu félagsins, http://www.hagar.is/hluthafaupplysingar/adalfundur-/

Stjórn félagsins vill einnig árétta að forsvarsmenn hluthafa sem sækja fundinn, þ.e. forsvarsmenn fyrirtækja, lífeyrissjóða, fjárfestingasjóða, einstaklinga og annarra hluthafa ber að skila umboði við skráningu inn á fundinn. Einnig verða einstaklingar beðnir um að framvísa persónuskilríkjum.

Stjórn Haga hf.

 






Þetta vefsvæði byggir á Eplica