Skuldabréfaútboð

Lokuðu útboði Haga hf. á skuldabréfum þann 30.september 2019 er lokið.

Boðin voru til sölu skuldabréf í nýjum verðtryggðum flokki, HAGA 021029 og óskað verður eftir því að nýju bréfin verði tekin til viðskipta á Aðalmarkaði Nasdaq Iceland innan 6 mánaða.

Samtals bárust tilboð að nafnvirði 12.160.000.000.- króna og var ákveðið að taka tilboðum sem jafngiltu hámarksstærð útboðsins að nafnvirði 5.500.000.000.- króna á genginu 1,0. Bréfin bera fasta 2,8% verðtryggða vexti. Skuldabréfaflokkurinn er tryggður með veði í lykilfasteignum Haga. Hann er til 10 ára með jöfnum afborgunum á 3 mánaða fresti. Endurgreiðsluferli afborgana fylgir 30 ára greiðsluferli. Flokkurinn er stækkanlegur í allt að 15 ma.kr. Gjalddagi áskrifta og afhending bréfa er 2. október 2019.

Þá voru einnig boðin til sölu skuldabréf í nýjum óverðtryggðum flokki HAGA 021022, en engum tilboðum var tekið í þann flokk.

Arctica Finance hafði umsjón með útboðinu fyrir hönd Haga.

Nánari upplýsingar veita Steingrímur H. Pétursson, framkvæmdastjóri fjármála og viðskiptaþróunar Haga, á netfanginu shp@hagar.is og í síma: 846 4000 eða Jón Þór Sigurvinsson, forstöðumaður fyrirtækjaráðgjafar Arctica Finance, á netfanginu jons@arctica.is og í síma: 895 9242

______________________________________________________________________________________________________________________

Þann 15. október 2019 tóku Hagar hf. tilboði fjárfesta í skuldabréf í nýjum óverðtryggðum flokki, HAGA181021, en tilboðin bárust í framhaldi af lokuðu útboði félagsins þann 30. september sl., þar sem Hagar höfnuðu öllum tilboðum í óverðtryggðan flokk skuldabréfa. 

Óskað verður eftir að nýju bréfin verði tekin til viðskipta á Aðalmarkaði Nasdaq Iceland innan 6 mánaða.

Samtals bárust tilboð að nafnvirði 2.500.000.000.- kr. á genginu 1,0. Bréfin bera fasta 4,65% óverðtryggða vexti. Skuldabréfaflokkurinn er tryggður með veði í þróunareignum Haga. Hann er til 2 ára með einum gjalddaga höfuðstóls þann 18.10.2021. Vextir greiðast á 3 mánaða fresti. Gjalddagi og afhending bréfa er 18. október 2019.

______________________________________________________________________________________________________________________

Skjöl tengd skuldabréfaútboðinu:

Tryggingabréf og veðsamningur - HAGA021029

Tryggingabréf og veðsamningur - HAGA181021

Veðhafa- og veðgæslusamningur - HAGA021029

Veðhafa- og veðgæslusamningur - HAGA181021

Veðsamningur - HAGA021029

Veðsamningur - HAGA181021

Umboðssamningur - HAGA021029

Umboðssamningur - HAGA181021

Samningur við staðfestingaraðila - HAGA021029

Samningur við staðfestingaraðila - HAGA181021

Hér að neðan má sjá fjárfestakynningu sem birt var í aðdraganda útboðsins:

Fjárfestakynning






Þetta vefsvæði byggir á Eplica